MISSING MAN!

 Today February 20 is being observed as #MISSING_DAY... here it's my poem #MISSING_MAN published in mana telangana news paper on 1-11-2021...

MISSING MAN!

----- మామిడి హరికృష్ణ 8008005231

చేతులు ఉన్నాయి కదా అని

తలుపులను మూస్తాం

ద్వారాలను బంధిస్తాం

బారికేడ్ లను కడతాం

గోడలను నిర్మిస్తాం

కందకాలను తవ్వెస్తాం...

దీని కోసం--

మన తెలివినంతా ధార పోస్తాం!

అరిషడ్వర్గాలను ఒక్క తాటి మీదకు తెచ్చి

చతుర్విధ పురుషార్ధాలకు భాష్యం చెపుతాం!

Do's and don'ts కరదీపిక ను 

Terms and conditions guide ను ప్రచురిస్తాం

హద్దులను నిర్ణయిస్తాం

ప్రపంచ పటం పై సరిహద్దులను గీసి

Prohibited area అనీ

Forbidden zone అనీ 

Tresspassers will be prosecuted అనీ 

బోర్డు లు పెడతాం...

నీతి రీతుల ఉపదేశాలను నిర్దేశించి

విలువల కోడ్ ను శాసనంగా చేస్తాం...

దీని కోసం--

మన సామూహిక అనుభవ సారాన్ని అంతా వెచ్చించి

వ్యూహ చతురత కు పదును పెడతాం!!

భక్తి - ఆధ్యాత్మిక సూత్రాలను ప్రస్తావించి

సంస్కృతీ ధర్మాలను వల్లే వేస్తాం!!

ఆది -మధ్య -అంతం లేని భూమిపై

అక్షాంశ రేఖాంశాలను గీసి

 సర్వే నంబర్ ల వారీగా కంచెలు పాతుతాం

ఇది నా భూమి... నా దేశం అనీ గెజిట్ లు ప్రకటిస్తాం

ఎవరేం చేయాలో global protocol లను నిర్ధారిస్తామ్...

దీని కోసం--

మన జ్ఞాన సంజ్ఞాన సహజాతాలు అన్నిటినీ పుటం పెడతాం!!!

సాంకేతిక-తాత్విక- శాస్త్రీయ తర్కాలను సాయంగా తెచ్చుకుంటాం!!! 

మానవా... మహాత్మా...

ఇన్ని యుగాల తర్వాత అయినా

 తలపులకు తలుపులు బిగించ గలిగామా

ఆలోచనలకు సంకెళ్లు వేయగలిగామా

ఊహలను ఉరి తీయగలిగామా

ఆశలను తొక్కి పెట్టగలిగామా

స్వప్నాలకు అడ్డుకట్ట వేయగలిగామా

అక్షరాన్ని నిషేధించగలిగామా

ప్రేమను పాతిపెట్టగలిగామా...

ఆఖరికి--

మనిషిని పట్టుకోగలిగామా...

#mhk_poetry 

#mhk_poetry